خیبرایجنسینیٹو کنٹینرز پر فائرنگ پاکستانی ڈرائیورکلینرجاں بحق

خیبر ایجنسی کے قریب افغان سرحدی علاقہ مارکومیں نیٹو کنٹینروں پردہشتگردوں کی فائرنگ سے ڈرائیور اور کلینر ہلاک ہوگئے۔


میڈیا رپورٹس کے مطابق افغان سیکیورٹی ذرائع کا کہنا ہے کہ ہلاک ہونے والے ڈرائیو ر اور کلینر پاکستانی ہیں اور دونوں کا تعلق لنڈی کوتل سے ہے۔ واقعے کے بعد کچھ دیر کے لیے پاک افغان شاہراہ طورخم پر ٹریفک معطل ہوگئی تھی تاہم افغان سیکیورٹی اہلکاروں نے سرچ آپریشن کے بعد ٹریفک بحال کردی ۔

مینگورہ سے نمائندہ ایکسپریس کے مطابق مینگورہ میں نامعلوم افراد کی فائرنگ سے جاں بحق ہونے والے مسلم لیگ ن کے رہنما اور امن کمیٹی کے ممبر شاہ دوران دمغار کو سپردخاک کردیا گیا۔ فائرنگ سے شاہ دوران کا محافظ اسپیشل پولیس فورس کا اہلکار امان اللہ بھی جاں بحق ہوگیا تھا۔