حجاز میں 2 پاکستانی حجاج دل کا دورہ پڑنے سے انتقال کرگئے

حجاز مقدس میں مناسک حج کی ادائیگی کے دوران 2 پاکستانی حجاج دل کا دورہ پڑنے سے انتقال کرگئے۔


2 حجاج غلام محبوب اور سعیدہ مائی وقوف عرفہ کے دوران دل کا دورہ پڑنے سے انتقال کرگئے، جس کے نتیجے میں اس سال حج کے دوران انتقال کرنے والے پاکستانی حجاج کی تعداد 32 ہوگئی ہے۔ غلام محبوب اور سعیدہ مائی کی تدفین منیٰ قبرستان میں کی گئی ہے۔

اس سال 110 بیمار پاکستانی حجاج نے مناسک حج کی ادائیگی کی ہے۔ منیٰ میں حجاج کرام آج بھی تینوں شیطانوں کی رمی کریں گے۔ حجاج مناسک حج کا آخری مرحلہ مکمل کرکے آج شام مکہ روانہ ہوں گے۔