اذان کی آواز سن کر بہت سکون ملتا ہے اداکار دلجیت دوسانجھ

اداکارہ پریانکا چوپڑا کے بعد ایک اور بھارتی اداکار دلجیت دوسانجھ نے اذان کی آواز کو خوبصورت قرار دیتے ہوئے کہا ہے کہ انہیں اذان کی آواز سن کر سکون ملتا ہے۔

فلم''اڑتا پنجاب''،''فلوری''اور''سورما''جیسی فلموں میں اداکاری کے جوہر دکھانے والے نامور بالی ووڈ اداکار دلجیت دوسانجھ نے ٹوئٹ کرتے ہوئے اذان کو بہترین قرار دیا اور کہا ''اگرچہ جب اذان ہوتی ہے تو مجھے کچھ سمجھ نہیں آتا، کیونکہ میں اتنا سمجھدار نہیں ہوں، لیکن اذان کے وقت جو آواز آتی ہے اسے سن کر بہت سکون ملتا ہے۔''

اس خبرکوبھی پڑھیں: پریانکا کو اذان سے سکون ملتا ہے


اس کے ساتھ ہی اداکار دلجیت نے کہا کسی بھی مذہب میں اوپر والے کی نیچر کی، اس کی صفت میں اور اس کے شکر میں جو سکون ہے وہ بہترین ہے۔

واضح رہے کہ اس سےقبل اداکارہ پریانکا چوپڑا نے بھی اذان کی آواز کو بہترین قرار دیتے ہوئے کہا تھا کہ انہیں اذان کی آواز سن کر بے حد سکون ملتا ہے۔