پنجاب لوڈشیڈنگ جاری لو لگنے سے 5افراد جاں بحق

ملک بھر میں بجلی کی لوڈشیڈنگ کا سلسلہ بدستور جاری ہے جبکہ شدید گرمی میں لو لگنے سے خواتین سمیت 5افراد جاں بحق اور متعدد بیہوش ہوگئے۔

ادھر چیف ایگزیکٹو لیسکو محمد سلیم کا کہنا ہے کہ بجلی کی پیداوار میں بہتری کے باعث لاہور میں غیر اعلانیہ اور فورس لوڈشیڈنگ ختم کر دی گئی۔اب ہر گھنٹے بعد ایک گھنٹے کیلیے لوڈشیڈنگ کی جائیگی۔




چیف ایگزیکٹو لیسکو نے ''ایکسپریس'' سے گفتگو میں بتایا کہ لیسکو میں بجلی کی مجموعی طلب تقریباً 4500میگاواٹ جبکہ فراہمی2040میگاواٹ ہے۔ اسلیے اب لاہور میں گھریلو صارفین کیلیے ہر ایک گھنٹے بعد ایک گھنٹے کیلیے لوڈشیڈنگ کی جائیگی۔