پشاور میں قاتلانہ حملے میں اے این پی رہنما بھتیجے سمیت جاں بحق 

تھکال میں نامعلوم موٹر سائیکل سواروں نے فائرنگ کرکے اے این پی کے رہنما ابرارخلیل کو بھتیجے سمیت قتل کردیا گیا۔

ایس پی کینٹ وسیم ریاض کے مطابق ابرار خلیل پر نامعلوم موٹر سائیکل سواروں نے فائرنگ کردی جس سے وه اور انکا بھتیجا جاں بحق ہوگئے۔ واقعے کے بعد پولیس کی بھاری نفری علاقے میں پہنچ گئی اورملزموں کی گرفتاری کے لئے سرچ آپریشن شروع کردیا۔


دوسری جانب اے این پی نے ابرارخلیل پر حملے کی شدید الفاظ میں مذمت کرتے ہوئے فائرنگ میں ملوث افراد کو فوری گرفتار کرنے کا مطالبہ کیا ہے۔

واضح رہے ابرارخلیل عام انتخابات میں پی کے 74 سے عوامی نیشنل پارٹی کے امیدوار تھے۔