ابو ظہبی میں ایشیا کپ ٹرافی کی تقریب رونمائی

ایشیا کپ ٹرافی 2018 کی تقریب رونمائی ابوظہبی میں ہوگئی۔

ایکسپریس نیوز کے مطابق ایشیا کپ ٹرافی کی ابوظبی میں تقریب رونمائی کر دی گئی۔ تقریب میں شیخ نیہان بن مبارک النہیان، چیئرمین ایمریٹس کرکٹ بورڈ اور وزیر رواداری خالد الزرونی، وائس چیئرمین ایمریٹس کرکٹ بورڈ مبشر عثمان، جنرل سیکرٹری ایمریٹس بورڈ پربھاکرن تھنراج، مارکیٹنگ منیجر بی سی سی آئی ڈاکٹر بی آر شیٹی اور دیگر نے شرکت کی۔


اس خبرکوبھی پڑھیں: جونیئر ایشیا کپ کےلیے 15 رکنی قومی ٹیم کا اعلان

ایشیا کپ 15 سے 28 ستمبر تک یو اے ای میں شیڈول ہے، ایونٹ میں مجموعی طور پر 13 میچز دبئی اور ابوظبی کے میدانوں پر کھیلے جائیں گے، گرین شرٹس اپنا پہلا میچ 16 ستمبر کو گروپ اے کی کوالیفائر ٹیم کے خلاف کھیلیں گے جب کہ 19 ستمبر کو روایتی حریف بھارت سے مقابلہ شیڈول ہے، 13 روزہ ایونٹ کا فیصلہ کن معرکہ 28 ستمبر کو کھیلا جائے گا۔