پریکٹس میچ میں کرکٹرز نے بیٹ پر جمی گرد جھاڑ لی
فخرزمان کی سنچری،امام الحق،شان،شعیب،فہیم اور بابر اعظم نے ففٹیز بنائیں
فخرزمان کی سنچری،امام الحق،شان،شعیب،فہیم اور بابر اعظم نے ففٹیز بنائیں۔ فوٹو : فائل
ایشیا کپ کی تیاری کیلیے کھیلے جانے والے ٹارگٹ پریکٹس میچ میں کرکٹرز نے بیٹ پر جمی گرد جھاڑ لی۔
ایشیا کپ کی تیاری کیلیے لاہور میں جاری تربیتی کیمپ میں ہیڈ کوچ مکی آرتھر نے ہفتے کو ٹارگٹ پریکٹس میچ کرانے کا فیصلہ کیا تھا، قذافی اسٹیڈیم میں ہونے والے اس مقابلے کیلیے کھلاڑیوں کو 2 ٹیموں میں تقسیم کیا گیا۔
سرفراز الیون نے ٹاس جیت کر پہلے بولنگ کا فیصلہ کیا، شعیب ملک الیون کے اوپنر شان مسعود نے 74رنز کی اننگز کھیل کر بڑے اسکور کی بنیاد رکھی،فہیم اشرف نے جارحانہ 66رنز بنانے کیلیے 43گیندوں کا استعمال کیا، ان کی اننگز میں 6چوکے اور 4چھکے شامل تھے، کپتان شعیب ملک 52کی اننگز کھیلنے میں کامیاب ہوئے، آصف علی نے31رنز بنائے، پوری ٹیم 49اوورز میں 297پر آئوٹ ہوگئی،شاداب خان 3اور جنید خان 2وکٹیں لے اڑے۔
جواب میں سرفراز الیون کے اوپنرز نے جارحانہ کھیل پیش کیا، دورئہ زمبابوے میں رنز کے ڈھیر لگانے والے فخرزمان کی فارم برقرار رہی،انھوں نے صرف 68گیندوں پر 114کی اننگز کھیلی اور دیگر کھلاڑیوں کو پریکٹس کا موقع دینے کیلیے ریٹائر ہوئے،فخرنے 13چوکے اور 4چھکے لگائے،امام الحق 65رنز بناکر ریٹائر ہوئے، ایک وقت میں سرفراز الیون نے بغیر کوئی وکٹ گنوائے 174رنز بنائے تھے، بعدازاں بابر اعظم ( 57) اور سرفراز احمد( 30) ہی قدرے بہتر کھیل پیش کرپائے۔
ہیڈکوچ مکی آرتھر نے سرفراز الیون کو ہدف 43اوورز میں مکمل کرنے کا ٹارگٹ دیا تھا لیکن ٹیم5وکٹ پر 293رنز تک محدود رہی، محمد عامر، حارث سہیل اور عثمان شنواری ایک،ایک وکٹ حاصل کرنے میں کامیاب ہوئے۔
ایشیا کپ کی تیاری کیلیے لاہور میں جاری تربیتی کیمپ میں ہیڈ کوچ مکی آرتھر نے ہفتے کو ٹارگٹ پریکٹس میچ کرانے کا فیصلہ کیا تھا، قذافی اسٹیڈیم میں ہونے والے اس مقابلے کیلیے کھلاڑیوں کو 2 ٹیموں میں تقسیم کیا گیا۔
سرفراز الیون نے ٹاس جیت کر پہلے بولنگ کا فیصلہ کیا، شعیب ملک الیون کے اوپنر شان مسعود نے 74رنز کی اننگز کھیل کر بڑے اسکور کی بنیاد رکھی،فہیم اشرف نے جارحانہ 66رنز بنانے کیلیے 43گیندوں کا استعمال کیا، ان کی اننگز میں 6چوکے اور 4چھکے شامل تھے، کپتان شعیب ملک 52کی اننگز کھیلنے میں کامیاب ہوئے، آصف علی نے31رنز بنائے، پوری ٹیم 49اوورز میں 297پر آئوٹ ہوگئی،شاداب خان 3اور جنید خان 2وکٹیں لے اڑے۔
جواب میں سرفراز الیون کے اوپنرز نے جارحانہ کھیل پیش کیا، دورئہ زمبابوے میں رنز کے ڈھیر لگانے والے فخرزمان کی فارم برقرار رہی،انھوں نے صرف 68گیندوں پر 114کی اننگز کھیلی اور دیگر کھلاڑیوں کو پریکٹس کا موقع دینے کیلیے ریٹائر ہوئے،فخرنے 13چوکے اور 4چھکے لگائے،امام الحق 65رنز بناکر ریٹائر ہوئے، ایک وقت میں سرفراز الیون نے بغیر کوئی وکٹ گنوائے 174رنز بنائے تھے، بعدازاں بابر اعظم ( 57) اور سرفراز احمد( 30) ہی قدرے بہتر کھیل پیش کرپائے۔
ہیڈکوچ مکی آرتھر نے سرفراز الیون کو ہدف 43اوورز میں مکمل کرنے کا ٹارگٹ دیا تھا لیکن ٹیم5وکٹ پر 293رنز تک محدود رہی، محمد عامر، حارث سہیل اور عثمان شنواری ایک،ایک وکٹ حاصل کرنے میں کامیاب ہوئے۔