وزیراعظم کا شکایات سیل بنانے کا فیصلہ عوام براہ راست رابطہ کرسکیں گے

وزیراعظم عمران خان نے اپنے دفتر میں شکایات سیل بنانے کا فیصلہ کیا ہے جس کے ذریعے وہ عوام کی شکایات براہ راست سنیں گے۔


ایکسپریس نیوزکے مطابق وزیراعظم عمران خان نے عوام کی شکایات کے سننے کے لئے سیل قائم کرنے کا فیصلہ کیا ہے، جس کے ذریعے وزیر اعظم اور اراکین قومی اسمبلی عوام کی براہ راست شکایت سنیں گے۔

شکایت سیل 40 ٹیلی فون لائنز پر مشتمل ہوگا اور صبح 9 بجے سے دفتری اوقات میں کام کرے گا، شکایات سیل کوپورے پاکستان سے کالز کی جاسکتی ہیں اور عوام ای میل، واٹس ایپ کے ذریعے بھی رابطہ کرسکیں گے۔