نہری پانی کی قلت کیخلاف آباد گاروں کا مظاہرہ

آبپاشی سب ڈویژن قاضی احمد کی میر رکن نہر کے سیکڑوں آباد گاروں نے محرم علی لوند اور مانو زرداری کی قیادت میں ریلی نکالی ۔

شرکا نے آبپاشی اہلکاروں کے خلاف نعرے لگاتے ہوئے قومی شاہراہ پر پریس کلب کے سامنے دھرنا دیا، بعدازاں قومی شاہراہ پر قائم احتجاجی کیمپ پر علامتی بھوک ہڑتال پر بیٹھ گئے۔




اس موقع پر آباد گاروں نے بتایا کہ پانی کی شدید قلت ہے جس کی وجہ سے ہماری کروڑوں روپے کی فصلیں سوکھ رہی ہیں ۔ انھوں نے کہا کہ جب تک نہر میں پانی مہیا نہیں کیاجاتا بھوک ہڑتال جاری رہیگی ہے۔