وزیراعظم کی روسی ہم منصب سے ملاقات باہمی امور پر تبادلہ خیال

وزیراعظم عمران خان نے روسی وزیراعظم دمتری میدیدوف سے ملاقات کی جس میں دونوں رہنماؤں نے پاک روس تعلقات پر اطمینان کا اظہار کیا۔

ایکسپریس نیوز کے مطابق وزیراعظم عمران خان نے شنگھائی میں روسی وزیراعظم دمتری میدیدوف سے ملاقات کی جس میں دونوں رہنماؤں نے پاک روس تعلقات پر اطمینان کا اظہار کیا اور بدلتے علاقائی حالات کے تناظر میں دونوں ممالک کے درمیان تعلقات میں فروغ پر اتفاق کیا۔


اس خبر کو بھی پڑھیں : سی پیک مشرق وسطیٰ اورخلیجی ممالک سے رابطے بڑھانے کا باعث بنے گا

اس موقع پر وزیراعظم عمران خان کا کہنا تھا کہ روس کے سرمایہ کاروں کے لیے پاکستان میں سرمایہ کاری کے وسیع مواقع موجود ہیں جب کہ روسی سرمایہ کار پاکستان میں توانائی کے منصوبوں میں سرمایہ کاری کرسکتے ہیں۔