عامرخان کےساتھ کام کرکے بہت کچھ سیکھارانی مکھرجی

بالی وڈ اداکارہ رانی مکھر جی نے کہا ہے کہ عامر خان کے ساتھ کام کرکے بہت خوشی ہوئی ہے ۔انھوں نے کہا کہ عامر خان کی فلم''تلاش''میں اہم کردار نبھارہی ہوں ۔انھوں نے کہا کہ عامر خان کے ساتھ کام کرکے بہت کچھ سیکھا ہے اب یہ فلم تکمیل کے مراحل میں داخل ہوگئی ہے ۔اس کے ساتھ ہی فلم ریلیز کرنے کی تاریخ بھی آئی ہے اب یہ فلم تیس نومبر کو سینماگھروں کی زینت بنے گی۔


عامر خان نے ایک بیان میں کہا کہ وہ اس بات کا اعلان کرتے ہوئے خوشی محسوس کر رہے ہیں کہ ان کی فلم تلاش 30 نومبر کو ریلیز کی جائے گی۔ فلم کے حوالے سے میڈیا میں بہت سی افواہیں گرم ہیں۔ ان کے فلمساز ریما کاگتی اور فرحان کے ساتھ جھگڑے کی افواہیں بھی پھیلائی گئیں۔2009ء کی تھری ایڈیٹس کے بعد عامر ''تلاش''میں جلوہ گر ہو رہے ہیں۔ فلم میں کرینہ کپور اور رانی مکھرجی بھی اہم کردار ادا کر رہی ہیں۔