قومی ایئر لائن میں مالی بحران شدت اختیار کرگیا

قومی ایئر لائن پی آئی اے میں مالی بحران شدت اختیار کر گیا، پائلٹس اور ایئر کریو8 ماہ سے فلائٹ ٹریول الاؤنس سے محروم ہیں جبکہ نومبرکی تنخواپ بھی نہ مل سکی۔


ذرائع کے مطابق قومی ایئر لائن کی جانب سے پائلٹس کو 6 ڈالر فی گھنٹہ جبکہ دیگر عملے کوبیرون ملک ٹریول پر 3 سے 4 ڈالرفی گھنٹہ فلائٹ الاؤنس کی مد میں دیے جاتے ہیں لیکن گزشتہ 8 ماہ کے دوران تمام ادائیگیوں کو روک دیا گیا جبکہ تنخواہوں میں تاخیرسے پی آئی اے ملازمین سخت مالی مشکلات سے دوچار ہیں۔

ترجمان پی آئی اے کے مطابق مالی بحران کے باعث فلائٹ اسٹاف کو الاؤنس کی ادائیگیاں روکی گئی تھیں جن کا اجرا مالی صورتحال بہترہونے پرکردیا جائیگا جبکہ تنخواہوں کی بروقت ادائیگی کو یقینی بنایا جارہاہے۔