صدر عارف علوی اور وزیراعظم عمران خان آج کراچی کا ایک روزہ دورہ کریں گے

صدر پاکستان عارف علوی اور وزیراعظم عمران خان آج ایک روزہ دورے پر کراچی پہنچیں گے۔

صدر عارف علوی اور وزیراعظم عمران خان آج ایک روزہ دورے پرکراچی پہنچیں گے اور گورنرہاؤس میں مصروف دن گزاریں گے۔ صدر اور وزیراعظم بزنس کمیونٹی کے رہنماؤں اور پی ٹی آئی کے ارکان اسمبلی اور دیگر وفود سے ملاقاتیں کریں گے اور کراچی کے اہم ترین معاملات پرمشاورت ہوگی۔


وزیراعظم گورنرسندھ دیگراعلی حکام سے بھی ملاقاتیں کریں گے اوروزیراعظم عمران خان کوکراچی کے ترقیاتی کاموں تجاوزات کے خلاف جاری آپریشن اوردیگرامورپر بھی بریفنگ دی جائے گی۔

واضح رہے کہ وزارت عظمی کا منصب سنبھالنے کے بعد عمران خان کا یہ دوسرا دورہ کراچی ہوگا۔