سجاول جرائم پیشہ افراد کیخلاف آپریشن 2 ملزمان گرفتار

سجاول پولیس نے جرائم پیشہ افراد کے خلاف آپریشن شروع کردیا، ایک وین اور 2 موٹر سائیکلیں برآمد، 2 ملزمان گرفتار۔

تفصیلات کے مطابق سجاول تھانہ کے ایس ایچ او اشوک کمار نے بھاری نفری کے ہمراہ گوٹھ فتح محمد شاہ پر اچانک چھاپہ مار کر چوہڑ جمالی روڈ پر چھینی ہوئی وین اور 2 موٹر سائیکلیں برآمد کرکے 2 ملزمان غلام حسین شاہ اور غلام رسول شاہ کو گرفتار کرلیا ۔




گرفتار ملزمان سمیت 8 افراد کے خلاف مقدمہ درج کرلیا گیا ہے۔ پولیس کی جرائم پیشہ افراد کے خلاف بڑے پیمانے پر کارروائی پر شہریوں اور سماجی حلقوں نے ایس ایچ او اورسجاول پولیس کی کارکردگی کو سراہا۔