کراچی میں پی ایس پی کے آفس پر فائرنگ 2 کارکن جاں بحق اور 2 زخمی

پاک سرزمین پارٹی(پی ایس پی) کے ٹاؤن آفس پر فائرنگ کے نتیجے میں 2 کارکن جاں بحق جب کہ 2 زخمی ہوگئے۔

ایکسپریس نیوز کے مطابق کراچی کےعلاقے ناظم آباد گلبہار میں پاک سرزمین پارٹی کے ٹاؤن آفس پر نا معلوم افراد نے فائرنگ کردی جس کے نتیجے میں 2 کارکن جاں بحق جب کہ 2 زخمی ہوگئے۔


واقعے کے فوری بعد ریسکیو ٹیمیں موقع پر پہنچیں اور امدادی کارروائیاں کرتے ہوئے لاش اور زخمیوں کو عباسی شہید اسپتال منتقل کردیا جہاں زخمیوں کو طبی امداد فراہم کی جارہی ہے۔

دوسری جانب پولیس اور سیکورٹی اداروں نے حملہ آوروں کی تلاش کے لئے علاقے میں سرچ آپریشن شروع کردیا ہے۔