فلم ’لَو آج کل ‘ کے سیکوئل میں کارتک اور سارہ خان کی انٹری

بالی ووڈ کے نوجوان اداکار کارتک آریان اور سارہ علی خان نے فلم 'لو آج کل' کے سیکوئل میں انٹری دینے کے لیے تیاری مکمل کرلی۔

فلم 'سونو کے ٹیٹو کی سوئٹی' سے شہرت پانے والے نوجوان اداکار کارتک آریان رواں سال ڈیبیو کرنے والی اداکارہ سارہ علی خان کے ساتھ معروف فلم ساز امتیاز علی کی فلم 'لو آج کل' کے سیکوئل میں اداکاری کے جوہر دکھاتے نظر آئیں گے۔


فلم 'لو آج کل ٹو' میں سارہ علی خان کی کارتک کے ساتھ پہلی فلم محض ایک فلم ہی نہیں بلکہ اُن کی تکمیل پاتی ایک خواہش ہے۔ دراصل سارہ نے فلم ساز کرن جوہر کے شو 'کافی ود کرن' میں اداکار کارتک آریان سے ملاقات کی خواہش ظاہر کرتے ہوئے کہا تھا کہ وہ کارتک سے دوستی اور رنبیر کپور سے شادی کرنا چاہیں گی۔

یہ پڑھیں: سارہ علی خان کی خواہش پوری ہوگئی

آخرکار فلم 'سمبا' کے ساتھی اداکار رنویر سنگھ نے سارہ کی اس خواہش کو اُس وقت عملی جامہ پہنایا جب سارہ اور کارتیک ایک تقریب میں شریک تھے جہاں رنویر سنگھ نے کارتک آریان کا تعارف سارہ علی خان سے کروانے کے بعد اداکارہ کا ہاتھ کارتک آریان کو تھمایا دیا تھا۔