پرویزالہٰی کا پنجاب بینک میں اکاؤنٹ ہی نہیں تو قرضہ لینے کا سوال کیسا چوہدری شجاعت

مسلم لیگ (ق) كے صدر چوہدری شجاعت حسین نے كہا ہے كہ چوہدری پرویز الہیٰ، مونس الہیٰ اور چوہدری وجاہت حسین كا پنجاب بینک سے قرضہ لینے كا سوال ہی پیدا نہیں ہوتا۔


چوہدری شجاعت حسین کا کہنا تھا کہ قرضہ لینے کا سوال تب پیدا ہوتا جب چوہدری پرویز الہٰی اور مونس الہٰی کا پنجاب بینک میں کوئی اکاؤنٹ ہوتا ان لوگوں کا تو سرے سے بینک میں اکاؤنٹ ہی نہیں ہے۔ انہوں نے كہا کہ اس جعلی مقدمے سے حكمرانوں کے كھوكھلے دعوؤں كی قلعی كھل گئی ہے۔

واضح رہے کہ گزشتہ روز سپریم کورٹ نے پنجاب بینک قرضہ کیس کی سماعت کے دوران چوہدری پرویز الٰہی، مونس الہیٰ اور چوہدری وجاہت حسین کی جانب سے پنجاب بینک سے 10 ارب روپے کے قرضہ لینے سے متعلق رپورٹ طلب کی تھی۔