سعودی عرب سے دوطرفہ تعلقات کو مزید بہتربنائیں گے وزیراعظم نوازشریف

وزیراعظم نوازشریف کا کہنا ہے پاکستان اور سعودی عرب نہایت خوشگوارتعلقات رکھتے ہیں اور مسلم لیگ (ن) کی حکومت ان دوطرفہ تعلقات کو مزید بہتربنائے گی۔


سعودی عرب کے سفیر عبدالعزیز الغدیر نے وزیراعظم ہاؤس میں نوازشریف سے ملاقات کی، ملاقات کے دوران سعودی سفیر نے سعودی حکومت اورعوام کی جانب سے نوازشریف اورپاکستانیوں کو رمضان المبارک کی مبارکباد پیش کی، اس موقع پر وزیراعظم نواز شریف نے کہا کہ سعودی قیادت ہرمشکل وقت میں پاکستان کے ساتھ کھڑی رہی ہے، انہوں نے عالمی امن کے لئے سعودی عرب کی کوششوں کو بھی سراہا۔

نوازشریف کا کہنا تھا کہ سعودی عرب 15 لاکھ پاکستانیوں کا گھر ہے، یہ تمام پاکستانی معیشت کےلئے ایک کثیر زرمبادلہ پاکستان بھجواتے ہیں، وزیراعظم نے خادم الحرمین شریفین شاہ عبداللہ کی جلد صحت یابی کے لئے نیک تمناؤں کا اظہار کرتے ہوئے سعودی قیادت اور عوام کو رمضان کی مبارکباد پیش کی۔