بالی ووڈ میں تبدیلی کا سہرا ودیا بالن کے سر ہے ہدایت کار راج کمارگپتا

بالی ووڈ ہدایت کار راج کمار گپتا کا کہنا ہے کہ اداکارہ ودیا بالن نے بالی ووڈ میں بہت سی چیزوں کو مکمل طور پر تبدیل کر دیا ہے۔

ایک انٹرویو میں راج کمار گپتا نے کہا کہ بالی ووڈ ماضی کی نسبت کافی تبدیل ہو گیا ہے اور اس میں مسلسل تبدیلی آ رہی ہے، ودیا بالن نے بالی ووڈ میں قدم رکھ کر کافی چیزوں کو تبدیل کردیا ہے اور اگر ایسا کہا جائے کہ ودیا بالن نے بالی میں گیم ہی تبدیل کردیا ہے تو غلط نہ ہو گا۔ راج کمار کا مزید کہا تھا کہ ودیا بالن ایک بے خوف اداکارہ ہیں اور وہ ہر وقت مشکل کردار قبول کرنے کے لیے تیار رہتی ہیں۔


واضح رہے کہ ہدایت کار راج کمار ودیا بالن کے ساتھ "نوون کلڈ جیسیکا" اور "گھن چکر" جیسی کامیاب فلموں میں کام کر چکے ہیں۔