یونیورسٹی طالب علموں کی دوستی پر مبنی فلم ’ہم چار‘ کا ٹریلر جاری

یونیورسٹی میں پڑھنے والے چار طالب علموں کی گہری دوستی پر مبنی فلم 'ہم چار' کا ٹریلر جاری کردیا گیا۔

میں نے پیار کیا، ہم آپ کے ہیں کون، ہم ساتھ ساتھ ہیں اور پریم رتن دھن پایو جیسی ہٹ فیملی بنانے والے معروف پروڈیوسر سورج بھرجتیا راجشری کی چار یونیورسٹی طالب علموں کے درمیان ہونے والی دوستی پر مبنی فلم کا ٹریلر جاری کیا گیا ہے۔

بھارتی فلمی تجزیہ کار ترن آدرش نے ٹوئٹر پر فلم 'ہم چار' کا ٹریلر جاری کرتے ہوئے بتایا کہ پروڈیوسر سورج راجشری نے اپنی نئی فلم میں چار نئے چہرے متعارف کرائے ہیں۔

فلم کے جاری کردہ ٹریلر میں ابتدائی طور پر چار دوستوں کو الگ الگ بٹھا کر ماضی کا دوستی کا گیت دکھایا جاتا ہے پھر اُن چاروں سے اُن کی ماضی میں ہونے والی دوستی سے متعلق سوال کیا جاتا ہے جسے وہ یاد کرکے شکوہ کرکے دکھائی دیتے ہیں اور پھر ماضی میں اُن چاروں کی دوستی اور اُس کے بعد اُن کے درمیان ہونے والی لڑائی کو دکھایا گیا ہے۔

https://www.youtube.com/watch?v=kZQCWdvmV6E&feature=youtu.be

فلم کا یہ ٹریلر دیکھنے کے بعد شائقین ضرور اپنی یونیورسٹی میں ہونے والی دوستی اور لڑائیوں کو ضرور یاد کریں گے۔



واضح رہے کہ ابھیشیک ڈکشٹ کی ہدایت کاری میں بننے والی یہ فلم 'ہم چار' میں پریت کمانی، انشومن ملہوترا، توشار پانڈے اور ثمرن شرما مرکزی کردار ادا کر رہے ہیں۔ فلم رواں سال ہی اگلے ماہ 15 فروری کو سنیما گھروں کی زینت بنے گی۔