مویشی کھیت میں گھس جانے پر تصادم فائرنگ سے ایک شخص ہلاک

بلڑی شاہ کریم کے گاؤں حاجی ڈنو کپری میں زرعی زمین میں مویشی گھس جانے کے تنازع پر دو گروہوں میں مسلح تصادم، ایک شخص گولی لگنے سے جاں بحق اور ایک زخمی ہو گیا۔


تفصیلات کے مطابق بلڑی شاہ کریم کے گاؤں حاجی ڈنو کپری میں حاجی محمد کپری کے مویشی اصغر کپری کی زرعی زمین میں گھس گئے جس پر فریقین کے درمیان تلخ کلامی کے بعد مسلح تصادم ہو گیا جس میں آتشیں اسلحے کا بھی استعمال کیا گیا جس کے نتیجے میں حاجی محمد کپری اور زمان کپری گولی لگنے سے شدید زخمی ہو گئے جنہیں بلڑی شاہ کریم اسپتال لے جایا گیا جہاں حاجی محمد کپری زخموں کی تاب نہ لاتے ہوئے چل بسا جبکہ دوسرے زخمی زماں کپری کو تشویشناک حالت کے پیش نظر سول اسپتال حیدرآباد بھیج دیا گیا ہے، بلڑی شاہ کریم پولیس نے مقدمہ درج کرکے ملزم اصغر کپری کو بندوق سمیت گرفتار کرلیا ہے۔