کالعدم سپاہ صحابہ نے لشکر جھنگوی اور ملک اسحٰق سے لا تعلقی کا فیصلہ کر لیا

کالعدم تنظیم سپاہ صحابہ نے پاکستان میں فرقہ وارانہ تشدد کے سب سے بڑے ملزم ملک اسحق سے لاتعلقی کا فیصلہ کر لیا ہے۔


بی بی سی اردو ویب سائٹ کے مطابق پارٹی کے رہنماؤں اور کارکنوں کو یہ ہدایت بھی کی گئی ہے کہ وہ ملک اسحق اور لشکر جھنگوی سے لاتعلقی کا پرچار کریں۔ ذرائع کے حوالے سے رپورٹ میں بتایا گیا ہے کہ حالیہ الیکشن میں شکست کے بعد اہل سنت والجماعت کے جھنڈے تلے کام کرنے والی سپاہ صحابہ کی قیادت نے اس شکست کی ذمے داری گزشتہ کچھ عرصے میں ہونے والے فرقہ وارانہ تشدد کو ٹھیرایا ہے۔