سونونگھم کو سی فوڈ کھانا مہنگا پڑگیا

بالی ووڈ کے معروف گلوکار سونونگھم کو اچانک طبیعت خراب ہونے کی وجہ سے اسپتال میں داخل کر دیا گیا۔

بھارتی میڈیا کے مطابق گلوکار سونونگھم کو سی فوڈ کھانا اتنا مہنگا پڑا کہ انہیں اسپتال میں داخل ہونا پڑگیا۔ گلوکار نے انسٹا گرام پر دو تصاویر پوسٹ کیں جس میں انہیں اسپتال میں آکسیجن ماسک لگائے ہوئے دیکھا جاسکتا ہے جب کہ اُن کی ایک آنکھ بھی سوجی ہوئی ہے۔


[instagram-post url="https://www.instagram.com/p/BtiD_sbBwAr/"]

سونو نگم نے بیماری سے متعلق بتایا کہ آپ سب کی محبت کا شکریہ، جیسا کہ آپ جانتے ہیں کہ گزشتہ رات میں جے پور میں ہونے والے کنسرٹ سے واپس آگیا ہوں اور میں بغیر کسی ہچکچاہٹ کے بتانا چاہتا ہوں کہ میرے ساتھ کیا ہوا۔

انہوں نے بتایا کہ سب لوگوں کے لیے یہ سبق ہے کہ اگر کسی کو الرجی ہے تو احتیاط کرے کیوں کہ میرا معاملہ بھی سی فوڈ کا ہی ہے، اگر نانا وتی اسپتال قریب نہ ہوتا تو سانس کی نالی سوج جاتی اور اس سے دم بھی گھٹ سکتا تھا۔