کرایوں پر نظر ثانی سے ایک ارب روپے کی آمدنی ہوگی ضیا لنجار

محکمہ اوقاف کو لیز اور رینٹ شیڈول پر نظر ثانی کرنے سے سالانہ ایک ارب روپے کی آمدنی ہوگی۔

لعل شہباز قلندر کے مزار کی تعمیراتی کام ایک ماہ میں مکمل کرنے کی ہدایت کر دی ہے۔ ان خیالا ت کا اظہار صوبائی مشیر اوقاف، زکوٰۃ ضیا الحسن لنجار نے میڈیا سے گفتگو کرتے ہوئے کیا۔




انھوں نے کہا کہ اس حوالے سے قانونی ماہرین سے صلاح و مشورے کیے جارہے ہیں۔ ضیا الحسن لنجار نے بتایا کہ انھوں نے ایک خصوصی ٹیم بھی تشکیل دی ہے جو ہر ماہ سندھ کے مزارات و درگاہوں پر جمع ہونیوالے نذرانے بینک میں جمع کرانے کا عمل طے کریگی۔ سندھ بھر میں 80درگاہوں کی تزئین وآرائش کے کام نذرانے کی رقم سے ہی کیے جائینگے۔