فلپائن کے ریستوران میں بم دھماکا 6 افراد ہلاک 40 زخمی

فلپائن کے ریستوران میں بم دھماکے کے نتیجے میں 6 افراد ہلاک جب کہ 40 زخمی ہوگئے ہیں ۔

غیر ملکی میڈیا کے مطابق دھماکا فلپائن کے جنوبی علاقے کیگیان ڈی اورو نامی شہر کے ایک مصروف ریستوران میں جمعہ اور ہفتے کی درمیانی رات کو ہوا۔ پولیس کے مطابق ریستوران میں 100کے قریب افراد موجود تھے جب کہ ہلاک و زخمی ہونے والوں میں زیادہ تر ایک دوا ساز کمپنی کے عہدیدار تھے جو وہاں پارٹی میں مصروف تھے۔ہلاک ہونے والوں میں صوبائی اسمبلی کا ایک رکن بھی شامل ہے۔

پولیس کے مطابق بم ہوٹل کے اندر نصب کیا گیا تھا تاہم حملے کے مقصد کا تعین کرنے اور مشتبہ افراد کی شناخت کے لئے تحقیقات جاری ہے۔