پلوامہ حملہ پلاننگ کے تحت ہوا ٹائمنگ پر بھی کئی سوالات

مقبوضہ کشمیر کے ضلع پلوامہ میں بھارتی سیکیورٹی فوسز کے کانوائے پر خود کش حملہ پلاننگ تحت کیا گیا؟ یا اس کا مقصد کچھ اور ہے۔ حملے کی ٹائمنگ پر بھی کئی سوالات اٹھ رہے ہیں۔

پاکستان اور بھارت کے درمیان سفارتی محاذ پر کشیدگی ایسے موقع پر پیدا کرنے کی کوشش کی گئی ہے جب کہ بھارتی جاسوس کلبھوشن جادیو کا کیس عالمی عدالت میں لگ چکا ہے۔ ایف اے ٹی ایف کا اجلاس بھی ہورہا ہے۔ اس کے علاوہ سعودی ولی عہد شہزادہ محمد بن سلمان پاکستان کا دورہ کررہے ہیں ۔ایسے موقع پر خطے میں بد امنی کی اوچھی کوشش سامنے آئی ہے۔


ذرائع کے مطابق بھارت کی جانب سے عالمی سطح پر پاکستان کو تنہا کرنے کیلیے بھی بے بنیاد الزامات لگا دیے گئے ہیں ۔حملے کے چند لمحوں بعد ہی بغیر ثبوت و تحقیقات کے پاکستان پر الزامات نے بھارت کی چال پر شکوک پیدا کردیے ہیں۔

پلوامہ حملے کے کچھ منٹ بعد ہی بھارت کو ساری فوٹیج کس نے مہیا کی؟حملے کے فوراً بعد عادل ڈار کا نام منظر عام پر آنا بھی سوالات کو جنم دیتا ہے۔جیش محمد کا پاکستان سے کوئی تعلق نہیں۔