مچھ میں کالی کھانسی کی وبا سے چار بچے جاں بحق

KARACHI:
مچھ میں کالی کھانسی کی وبا سے 4 بچے جاں بحق ہوگئے ہیں جب کہ متعدد زیرعلاج ہیں۔


ایکسپریس نیوز کے مطابق بلوچستان کے علاقے مچھ اور گرد و نواح میں کالی کھانسی کی بیماری نے وبائی صورت حال اختیار کرلی ہے جس کی زد میں درجنوں بچے آگئے ہیں۔

مچھ کے سرکاری اسپتال میں کالی کھانسی کی وبا کا شکار 4 بچے جاں بحق ہوگئے ہیں، جب کہ متعدد بچے زیرعلاج ہیں، دوسری جانب سرکاری اسپتالوں میں ناکافی سہولیات کی بدولت کالی کھانسی کے مریضوں کی بڑی تعداد نے نجی اسپتالوں اور کلینکس سے رجوع کررکھا ہے۔