لاہور رسول پارک میں جیل وارڈنز کو قتل کرنے والے 4 دہشت گرد گرفتار

پولیس نے رسول پارک میں 10 زیرتربیت جیل وارڈنز کو شہید کرنے والے 4 دہشت گردوں کو گرفتار کرلیا۔


ڈی آئی جی انویسٹی گیشن ذوالفقار حمید کے مطابق سی آئی اے پولیس نے کالعدم تنظیم تحریک طالبان القاعدہ گروپ سے تعلق رکھنے والے 4 دہشت گردوں کو مینارپاکستان کے احاطے سے گرفتار کیا ہے جن کی شناخت کرامت علی عرف گوشی، ذوالفقار علی عرف زلفی، افضل عرف سہیل اور عبدالحفیظ کے ناموں سے ہوئی ہے۔ پولیس نے ملزمان کے قبضے سے 2 کلاشنکوف، 50 گولیاں اور 4 دستی بم برآمد کئے۔

گرفتار ملزمان گزشتہ سال گجرات میں دریائے چناب کے کنارے فوجی جوانوں پربھی حملہ کرنے میں ملوث تھے، ملزمان نے تفتیش کے دوران بتایا کیا کہ رسول پارک میں جیل وارڈنز پر حملے کی منصوبہ بندی ان کی تنظیم کے امیر کمانڈر جنید نے کی تھی۔