نواز الدین صدیقی کی فلم ’فوٹو گراف‘ کا ٹریلر جاری

حقیقی اداکاری کی وجہ سے پہچانے جانے والے بھارتی اداکار نواز الدین صدیقی کی فلم 'فوٹو گراف' کا ٹریلر جاری کردیا گیا۔

بھارتی میڈیا کے مطابق فوٹو گرافر کی زندگی پر مبنی اس فلم میں نواز الدین صدیقی کے ساتھ سنیا ملہوترا مرکزی کردار ادا کر رہی ہیں۔ 2 منٹ 34 سیکنڈ کے ٹریلر میں فوٹو گرافر کی جدو جہد کو اجاگر کرنے کی کوشش کی گئی ہے۔


فلم میں نواز الدین صدیقی رفیق کا کردار ادا کر رہے ہیں جوکہ ممبئی میں واقعی انڈین گیٹ وے آنے والے سیاحوں کی تصاویر بناتا ہے اور وہیں اس کی ملاقات نوری نامی لڑکی سے ہوتی ہے۔

https://www.youtube.com/watch?v=KFjRs4avvWc

فلم کی کہانی میں دلچسپ موڑ اس وقت دیکھنے میں آتا ہے جب اداکار کی دادی اُن کی شادی کے لیے لڑکی کی تلاش شروع کر دیتی ہیں لیکن رفیق انکار کرنے کے لیے سونی کو اپنی محبت ظاہر کرتا ہے بعدازاں دکھاوے کی محبت حقیقت میں بدل جاتی ہے۔

رتیش بٹرا کی ہدایت کاری میں بننے والی یہ فلم ریلیز سے قبل ہی برلن فلم فیسٹیول میں تعریفیں سمیٹ چکی ہے جوکہ رواں سال 15 مارچ کو سنیما گھروں کی زینت بنے گی۔