سپریم کورٹ نے نیلامی کے ذریعے حج کوٹے کی تقسیم کالعدم قراردیدی

سپریم کورٹ لاہور رجسٹری نے لاہور ہائی کورٹ کے نیلامی کے ذریعے حج کوٹے کی تقسیم کے فیصلے کو کالعدم قرار دے دیا ہے۔


جسٹس تصدق حسین جیلانی کی سربراہی میں 2 رکنی بینچ نے نیلامی کے ذریعے حج کوٹے کی تقسیم کے خلاف کیس کی سماعت کی جس میں بینچ نے اس طرح کوٹے کی تقسیم کے فیصلے کو کالعدم قرار دیتے ہوئے حکم دیا کہ کوٹے کی تقسیم حج پالیسی 2013 کے مطابق کی جائے۔

واضح رہے کہ لاہور ہائی کورٹ نے حج کوٹا کی تقسیم سے متعلق کیس کے فیصلے میں نیلامی کے ذریعے سب سے سستا حج کرانے والے ٹور آپریٹرز کو کوٹا الاٹ کرنے کا حکم دیا تھا جس کے تحت 2 لاکھ 50 ہزار روپے تک حج کرانے والے ٹور آپریٹرز کو کوٹا الاٹ کیا جانا تھا۔