وزیراعظم آج کراچی کے دورے کے بعدعمرے پرروانہ ہوجائیں گے

وزیراعظم نوازشریف ایک روزہ دورے پرآج کراچی پہنچیں گے۔


وہ اپنے دورے کے دوران مسلم لیگ (فنکشنل) کے سربراہ پیرپگارا سمیت مختلف سیاسی رہنمائوں اورمسلم لیگی رہنمائوں سے ملاقاتیں بھی کریں گے۔ دورہ کراچی میں نوازشریف مزار قائد پر حاضری دیں گے ، وزیراعظم کوپورٹ قاسم اتھارٹی کی جانب بنڈل آئی لینڈ کے منصوبے پربریفنگ دی جائیگی اور وزیراعظم گڈانی پروجیکٹ کابھی دورہ کریں گے۔ وزیر اعظم سے گورنرسندھ ڈاکٹر عشرت العباداوروزیر اعلی سندھ سید قائم علی شاہ بھی ملاقات کریں گے اور ان کو کراچی میں امن وامان کی صورتحال سے آگاہ کیاجائے گا۔وزیراعظم کراچی سے ہی عمرے کی ادائیگی کیلیے سعودی عرب روانہ ہوجائیں گے۔نوازشریف کاوزیراعظم بننے کے بعدسعودی عرب کایہ پہلا دورہ ہوگا۔