اسٹیج اداکاروں کی مقبولیت میں اضافہ

کراچی اسٹیج کے معروف اداکار جب سے بھارتی ٹی وی چینلز سے اپنی بہترین صلاحیتوں کا لوہا منوا چکے ہیں اب انھیں پاکستانی نجی چینلز اور پروڈکشن ادارے بھی اہمیت دینے لگے ہیں۔


پاکستانی مزاحیہ اداکاروں کو پاکستانی میڈیا سے یہ گلہ تھا کہ انھیں ملکی چینلز اہمیت نہیںدیتے بلکہ صرف ان فنکاروں کو ہی ڈراموں یاشوز میں کاسٹ کیا جاتا جو پہلے ہی سے شہرت اور مقبولیت رکھتے ہیں لیکن گزشتہ چند ماہ سے ملکی چینلز اور پروڈکشن اداروں نے تھیٹر سے شہرت رکھنے والے ان فنکاروں کو اپنے پروگراموں میںبھر پور جگہ دی ہے نہ صرف شوز میں بلکہ سیٹ کام اور کامیڈی ڈراموں میں بھی ہمارے یہ اداکار اپنی اداکاری کے جلوے دکھاتے نظر آتے ہیں۔

شکیل صدیقی، رئوف لالہ، سلیم آفریدی، سکندر صنم،نعیمہ گرج، سلمیٰ ظفر، سلومی،پرویز صدیقی، علی حسن، عرفان ملک ،ذاکر مستانہ، شکیل شاہ،کاشف خان اور دیگر فنکاروں نے عمدہ اداکاری اور پرفارمنس سے ناظرین کی بھر پورتوجہ حاصل کی، ان دنوں بھی بہت سے فنکار ٹیلی ویژن کے پروگراموں میں کام کرتے نظر آرہے ہیں۔