شین واٹسن کے پاکستان آنے سے ٹائٹل جیت سکتے ہیں کوچ کوئٹہ گلیڈی ایٹرز

کوئٹہ گلیڈی ایٹرز کے کوچ معین خان کا کہنا ہے کہ شین واٹسن فارم میں ہیں ان کے آنے سے امید کے کہ ٹائٹل جیت سکتے ہیں۔

کراچی میں پریس کانفرنس کرتے ہوئے کوئٹہ گلیڈی ایٹرز کے کوچ معین خان کا کہنا تھا کہ سرفراز احمد سے پریس کانفرنس نہ کرانا ٹیم مینجمنٹ کا فیصلہ تھا پلان ضرور ہیں جو کہ گراونڈ میں دکھے گااور خاص گیم پلان صرف جیت پر نظر آتا ہے، ہار پر کسی کو گیم پلان نہیں دکھتا ہے جب کہ شین واٹسن کے آنے سے امید کے کہ ٹائٹل جیت سکتے ہیں کیوں کہ شین واٹسن فارم میں بھی ہیں۔


معین خان کا کہنا تھا کہ پورا پاکستان عمر اکمل اور احمد شہزاد کے ٹیلنٹ سے واقف ہے، عمر اکمل اور احمد شہزاد کو مستقبل میں موقع ملا تو ضرور پرفارم کریں گے جب کہ ٹیم میں اصغر کی جگہ نہیں بنتی محمد نواز اچھی بالنگ کر رہے ہیں، کراچی کی پچز اچھی ہیں امید ہے ہائی اسکورنگ میچ ہوں گے۔

ایک سوال کے جواب میں انہوں نے کہا کہ سرفراز پچھلے 6 ماہ سے مسلسل کرکٹ کھیل رہے ہیں ،انھیں آرام کی ضرورت ہے لیکن سرفراز احمد کا کھیلنا کوئٹہ گلیڈی ایٹرز کے ضروری ہے، وہ آسٹریلیا کی سریز میں آرام کریں گے، سرفراز احمد آسٹریلیا کے خلاف آرام تو کر رہے ہیں لیکن ان کا ٹیم کے ساتھ جانا ضروری ہے۔