مفتی منیب پشاورمیں چاند دیکھیں توعید متفقہ ہوگی حافظ حسین

جمعیت علمائے اسلام ف کے مرکزی رہنماحافظ حسین احمدنے کہا ہے کہ مفتی منیب الرحمن پشاورمیں بیٹھ کرعید کاچاند دیکھیں تو عیدالفطر متفقہ ہوگی۔


انھوں نے کہاکہ اچھاہوا ممنون حسین ابھی تک اصلی ایوان صدرمیں منتقل نہیں ہوئے، حلف اٹھانے سے قبل ہی کراچی کے ایوان صدرمیں پانی آگیا، خدا خیرکرے کہیں حلف اٹھانے کے بعداسلام آبادکے ایوان صدرمیں ''ضمنی طوفان'' نہ آجائے۔ ہماری دعاہے کہ اللہ اسلام آبا دکے ایوان صدرکو بچائے۔ ایک اورسوال پر انھوں نے کہاکہ مفتی منیب الرحمن پشاور میں عیدالفطر کا چاند دیکھیں تو پورے ملک کوچاند یکساںنظر آجائے گااور عیدبھی متفقہ ہوگی کیونکہ پشاور والوں کوچاند کی رویت کی حوالے سے اعتمادمیں لیناہی اتفاق رائے کی بنیادبن سکتا ہے۔