کراچی میں زہریلی شراب پینے سے 10 افراد ہلاک دو ملزمان گرفتار

محمود آباد میں زہریلی شراب پینے سے ہلاک ہونے والے افراد کی تعداد 10 ہو گئی ہے جبکہ پولیس نے شراب بیچنے والے دو افراد کو گرفتار کرلیا ہے۔

ہفتے اور اتوار کی درمیانی رات محمود آباد کے علاقے اعظم بستی میں زہریلی شراب پینے سے 15 افراد کی حالت غیر ہو گئی تھی، جنہیں طبی امداد کے لئے جناح اسپتال لےجایا گیا تھا جہاں اب تک 10 افراد زندگی کی بازی ہار گئے ہیں جبکہ کئی کی حالت تشویشناک ہے۔

دوسری جانب محمود آباد پولیس نے کچی شراب بیچنے والے 2 افراد کو گرفتار کرلیا ہے ، پولیس کا کہنا ہے کہ مرنے والے افراد نے شراب ان ہی افراد سے خریدی تھی۔