بلوچستان کے امور کیلیے سردار یار محمد رند وزیراعظم کے معاون خصوصی مقرر

وزیراعظم عمران خان نے بلوچستان اسمبلی کے رکن سردار یار محمد رند کو معاون خصوصی مقرر کردیا۔


ایکسپریس نیوز کے مطابق وزیراعظم نے سردار یار محمد رند کی معاون خصوصی تعیناتی کی منظوری دیدی، سردار یار محمد رند بلوچستان سے متعلق وزارت آبی وسائل اور وزارت پٹرولیم کے معاملات دیکھیں گے۔

کابینہ ڈویژن نے یار محمد رند کی تعیناتی کا نوٹی فکیشن جاری کردیا ہے، ان کے معاون خصوصی بننے کے بعد کابینہ ارکان کی تعداد بڑھ کر 43 ہوگئی ہے جب کہ وزیراعظم کے معاونین خصوصی کی تعداد 10 ہوگئی ہے۔