امریکی ریاست الباما میں مال بردار طیارہ گر کر تباہ 2 افراد ہلاک
طیارہ کم آبادی والے علاقے میں گرا اور اس کے گرتے ہی 2 سے 3 دھماکے سنائی دیئے اور آگ بھڑک اٹھی۔
حادثے میں پائلٹ اور کو پائلٹ ہلاک ہو ئے،میئربرمنگھم۔ فوٹو: رائٹرز
امریکی ریاست الباما میں مال بردار طیارہ برمنگھم کے ایئرپورٹ کے نزدیک گر کر تباہ ہو گیاجس کے نتیجے میں پائلٹ اور معاون پائلٹ ہلاک ہو گئے۔
نجی کمپنی کا طیارہ کینٹیکی سے ریاست الباما کی جانب آرہا تھا کہ برمنگھم ایئرپورٹ کے قریب گر کر تباہ ہوگیا جس کے نتیجے میں جہاز میں سوار پائلٹ اورمعاون پائلٹ دونوں ہلاک ہوگئے، حادثے کی فوری طورپر وجوہات سامنے نہیں آئیں تاہم کمپنی کے ترجمان کا کہنا ہے کہ وہ حادثے کی تحقیقات کر رہے ہیں جس کے بعد ہی اصل وجوہات کا تعین کیا جاسکتا ہے۔
نجی کمپنی کا طیارہ کینٹیکی سے ریاست الباما کی جانب آرہا تھا کہ برمنگھم ایئرپورٹ کے قریب گر کر تباہ ہوگیا جس کے نتیجے میں جہاز میں سوار پائلٹ اورمعاون پائلٹ دونوں ہلاک ہوگئے، حادثے کی فوری طورپر وجوہات سامنے نہیں آئیں تاہم کمپنی کے ترجمان کا کہنا ہے کہ وہ حادثے کی تحقیقات کر رہے ہیں جس کے بعد ہی اصل وجوہات کا تعین کیا جاسکتا ہے۔
برمنگھم کے میئر ولیم بیل کے مطابق خوش قسمتی سے طیارہ جس جگہ گرا وہ کم آبادی والا علاقہ تھا اوراس کے گرتے ہی 2 سے 3 دھماکے سنائی دیئے اور آگ بھڑک اٹھی تاہم فائربریگیڈ کے عملے نے آگ پر قابوپا لیا ہے۔