ملک بھر کے کنٹونمنٹ بورڈز میں بلدیاتی الیکشن کا پلان تیار

ملک بھر کے 43کنٹونمنٹ بورڈز میں بلدیاتی انتخابات کا پلان تیار کرلیا گیا، کنٹونمنٹ بورڈز کو 3 کیٹیگریز میں تقسیم کر دیا گیا ہے۔

الیکشن میں 226ارکان منتخب ہوں گے۔ الیکشن کمیشن کے مطابق ایک لاکھ سے زائد آبادی والے کنٹونمنٹ بورڈ میں 12،50 ہزار سے ایک لاکھ آبادی والے بورڈز میں 7 اور 50 ہزار سے کم آبادی والے کنٹونمنٹ میں 2 ارکان کا انتخاب کیا جائیگا۔




الیکشن کمیشن کے مطابق پنجاب کے 22 کنٹونمنٹ بورڈز میں 139نشستیں، سندھ کے 8 کنٹونمنٹ بورڈز میں 46، خیبرپختونخوا کے 9 کنٹونمنٹ بورڈز میں 28اور بلوچستان کے 4 کنٹونمنٹ بورڈز میں 13 نشستیں ہوں گی۔