چمن میں دھماکا ایک شخص جاں بحق اور 7 زخمی
جائے وقوع کے قریب شاہراہ سے فورسز کی گاڑی گزر رہی تھی جو دھماکے میں مکمل طور پر تباہ ہوگئی، پولیس
دھماکے میں زخمی افراد کو سول اسپتال منتقل کردیا گیا (فوٹو: فائل)
بلوچستان کے سرحدی علاقے چمن مال روڈ فلسطین چوک پر دھماکے میں ایک شخص جاں بحق اور متعدد افراد زخمی ہوگئے۔
ایکسپریس نیوز کے مطابق پاک افغان سرحد کے قریب بلوچستان کے ضلع چمن میں دھماکے سے متعدد افراد زخمی ہوگئے۔ پولیس کے مطابق دھماکا مال روڈ فلسطین چوک پر ہوا ہے۔ یہاں ایک مارکیٹ بھی ہے جہاں عوام کی بڑی تعداد دھماکے کے وقت موجود تھی، جب کہ جائے وقوع کے قریب شاہراہ سے فورسز کی گاڑی بھی گزر رہی تھی جو مکمل طور پر تباہ ہوگئی۔
پولیس حکام کے مطابق دھماکے کا ہدف فورسز کی گاڑی ہی ہوسکتی ہے، کیوں کہ سب سے زیادہ نقصان فورسز کی گاڑی کو ہوا، دھماکا اس قدر شدید تھا کہ قریبی دکانیں، گاڑیاں اور موٹرسائیکلیں تباہ ہوگئیں، اور قریبی عمارتوں کو بھی نقصان پہنچا۔
پولیس حکام کا کہنا ہے کہ دھماکے کی خبر سنتے ہی ایف سی، لیویز اور پولیس کے اہلکار جائے وقوعہ پر پہنچ گئے اور علاقے کو گھیرے میں لے لیا، دھماکے میں ایک شخص جاں بحق ہوگیا جب کہ دیگر زخمی ہونے والے افراد کو سول اسپتال منتقل کردیا گیا۔
ایکسپریس نیوز کے مطابق پاک افغان سرحد کے قریب بلوچستان کے ضلع چمن میں دھماکے سے متعدد افراد زخمی ہوگئے۔ پولیس کے مطابق دھماکا مال روڈ فلسطین چوک پر ہوا ہے۔ یہاں ایک مارکیٹ بھی ہے جہاں عوام کی بڑی تعداد دھماکے کے وقت موجود تھی، جب کہ جائے وقوع کے قریب شاہراہ سے فورسز کی گاڑی بھی گزر رہی تھی جو مکمل طور پر تباہ ہوگئی۔
پولیس حکام کے مطابق دھماکے کا ہدف فورسز کی گاڑی ہی ہوسکتی ہے، کیوں کہ سب سے زیادہ نقصان فورسز کی گاڑی کو ہوا، دھماکا اس قدر شدید تھا کہ قریبی دکانیں، گاڑیاں اور موٹرسائیکلیں تباہ ہوگئیں، اور قریبی عمارتوں کو بھی نقصان پہنچا۔
پولیس حکام کا کہنا ہے کہ دھماکے کی خبر سنتے ہی ایف سی، لیویز اور پولیس کے اہلکار جائے وقوعہ پر پہنچ گئے اور علاقے کو گھیرے میں لے لیا، دھماکے میں ایک شخص جاں بحق ہوگیا جب کہ دیگر زخمی ہونے والے افراد کو سول اسپتال منتقل کردیا گیا۔