لاہور میں باپ اور سوتیلی ماں کا 4 سالہ بیٹی پر بہیمانہ تشدد

لاہور کے علاقے سبزہ زار میں باپ اور سوتیلی ماں نے 4 سالہ بیٹی کو بہیمانہ تشدد کا نشانہ بنا ڈالا۔

ایکسپریس نیوز کے مطابق سبزہ زار کے رہائشی سفاک ملزم شفیق نے دوسری بیوی کے ہمراہ اپنی بیٹی 4 سالہ ایمان فاطمہ کو بستر اور کپڑے گندے کرنے پر بہیمانہ تشدد کا نشانہ بنایا۔


واقعے کی اطلاع ملنے پر پولیس موقع پر پہنچ گئی اوربچی کو طبی امداد کے لئے چلڈرن اسپتال منتقل کر دیا جبکہ سنگدل باپ کو گرفتار کر لیا ۔

پولیس کا کہنا ہے کہ بچی کا میڈیکل کروایا جا رہا ہے اور واقعہ میں ملوث ملزموں کے خلاف قانون کے مطابق کارروائی کی جائے گی ۔