عدالت نے زہریلی شراب فراہم کرنیوالے ملزم کو جیل بھیج دیا
ملزم محمود آباد کے علاقے میں شراب بنانے کا کاروبار کرتا تھا
ملزم محمود آباد کے علاقے میں شراب بنانے کا کاروبار کرتا تھا فوٹو: اے ایف پی / فائل
جوڈیشل مجسٹریٹ جنوبی ممتاز علی سولنگی نے زہریلی کچی شراب فراہم کرنے کے الزام میں گرفتار مرکزی ملزم دلبر عرف دلاور کو 26اگست تک عدالتی ریمانڈ پر جیل بھیج دیا ہے۔
استغاثہ کے مطابق ملزم محمود آباد کے علاقے میں شراب بنانے کا کاروبار کرتا تھا، اس نے اپنے دیگر ساتھیوں کی مدد سے کچی زہریلی شراب پر جعلی لیبل چسپاں کرکے مقامی وائن شاپ کو فراہم کی تھی جسے پینے سے 25 کے قریب افراد ہلاک ہوگئے تھے ۔
جبکہ کئی افراد کی بینائی ختم ہوگئی تھی پولیس نے چھاپہ مارا تو ملزم اپنی پڑوسن کے ہمراہ فرار ہوگیا تھا،تھانہ محمود آباد نے ملزم اور اس کی پڑوسن نغمہ وہاب کو گرفتار کیا تھا ،ملزمان کے خلاف قتل ،اقدام قتل سمیت دیگر مقدمات درج ہیں ۔
استغاثہ کے مطابق ملزم محمود آباد کے علاقے میں شراب بنانے کا کاروبار کرتا تھا، اس نے اپنے دیگر ساتھیوں کی مدد سے کچی زہریلی شراب پر جعلی لیبل چسپاں کرکے مقامی وائن شاپ کو فراہم کی تھی جسے پینے سے 25 کے قریب افراد ہلاک ہوگئے تھے ۔
جبکہ کئی افراد کی بینائی ختم ہوگئی تھی پولیس نے چھاپہ مارا تو ملزم اپنی پڑوسن کے ہمراہ فرار ہوگیا تھا،تھانہ محمود آباد نے ملزم اور اس کی پڑوسن نغمہ وہاب کو گرفتار کیا تھا ،ملزمان کے خلاف قتل ،اقدام قتل سمیت دیگر مقدمات درج ہیں ۔