نیشنل رینکنگ ٹینس چیمپئن شپ عقیل خان نے جیت لی

لاہور:
سید تجمل میموریل نیشنل رینکنگ ٹینس چیمپئن شپ عقیل خان نے جیت لی، پاکستان نمبر ون پلیئر نے فائنل میں احمد چوہدری کو زیر کیا، لیڈیزٹائٹل سارہ منصور کے نام رہا۔

اختتامی تقریب کے مہمان خصوصی وفاقی وزیر برائے بین الصوبائی رابطہ ریاض حسین پیرزادہ نے کھلاڑیوں میں انعامات تقسیم کیے۔ سیددلاورعباس پی ٹی ایف کمپلیکس میں منعقد ہونے والے ایونٹ کے مینزسنگلز فیصلہ کن معرکے میں عقیل خان نے اُبھرتے ہوئے نوجوان کھلاڑی احمد چوہدری کو باآسانی زیر کیا۔ لیڈیز سنگلز فائنل میں سارہ منصور نے علینہ آفتاب کو شکست کا مزہ چکھایا۔ بوائز فائنل میں محمد مدثر نے محمدمزمل کو شکست دی۔




اختتامی تقریب میں مہمان خصوصی ریاض حسین پیرزادہ نے کھلاڑیوں میں انعامات تقسیم کیے، وفاقی وزیربرائے بین الصوبائی رابطہ نے اپنے خطاب کہا کہ قومی اسپورٹس پالیسی پر عمل درآمد کرنے والی فیڈریشنز کی ہرطرح سے معاونت کریں گے،انھوں نے کہا کہ بین الصوبائی گیمز کے انعقاد کیلیے پاکستان اسپورٹس بورڈ کو ہدیت کردی ہے۔ پیرزادہ نے کہاکہ پی ٹی ایف کی کاوشوں سے پلیئرز کو قومی و بین الاقوامی ایونٹس میں شرکت کے بھرپور مواقع مل رہے ہیں۔