ظفر اقبال نیویارکر کا آڈیو البم ’’پیار کی خوشبو‘‘ ریلیز ہوگیا

گلوکار ظفر اقبال نیویارکر کا آڈیو البم''پیار کی خوشبو'' ریلیز ہوگئی ہے ، جس میں انھوں نے گلوکارہ حمیرا چنا ، سائرہ نسیم ، صنم ماوری ، صائمہ ممتاز اور شبم مجید کے ساتھ دو گانوں کے ساتھ تین شادی سانگ بھی شامل ہیں ۔


اس حوالے سے گلوکارہ سائرہ نسیم نے نیویارک سے ٹیلی فون پر گفتگو کرتے ہوئے کہا کہ ظفر اقبال نیویارکر میوزک انڈسٹری میں ایک خوبصورت اضافہ ہے جس نے موسیقی کی باقاعدہ تربیت حاصل کی ہوئی ہے ۔ان کے ساتھ اڈیوالبم ''پیارکی خوشبو''میں گانے کا تجربہ بہت اچھا رہا۔گلوکار ظفر اقبال نیویارکر نے کہا کہ سائرہ نسیم جیسی سنیئر گلوکارہ کے یہ الفاظ میرے لیے کسی ایوارڈ سے کم نہیں ہیں۔ انھوں نے کہا جنوری میں پاکستان آرہا ہوں جہاں گلوکارہ سائرہ نسیم کے ساتھ نئے پراجیکٹ پر کام کرونگا ۔