پاکستان اور ایران کی کبڈی سیریز آئندہ ماہ اسلام آباد میں ہوگی

پاکستان اور ایران کے مابین کبڈی سیریزکا انعقاد اسلام آباد میں کیا جائیگا۔

پاکستان کبڈی فیڈریشن کے جنرل سیکریٹری محمد سرور رانا کاکہنا کہ پاکستان اورایران میں گزشتہ کئی برسوں سے تعلقات قائم ہیں اور وقت گزرنے کے ساتھ ساتھ ان میں بہتری آرہی ہے۔


''ایکسپریس'' سے گفتگوکرتے ہوئے انھوں نے کہاکہ ایران کی کبڈی ٹیم کا شمار ایشیا کی بہترین ٹیموں میں ہوتا ہے، پاک ایران کبڈی سیریزکے حوالے سے شاندارانتظامات کیے جائیں گے۔

یاد رہے کہ پاکستان اسپورٹس کمپلیکس میں جولائی میں شیڈول ایشین سرکل اسٹائل کی کبڈی سیریز میں دونوں ٹیموں کے درمیان دلچسپ مقابلے متوقع ہیں۔