نواز شریف کی طبیعت پوچھنے کی اجازت مانگی لیکن انکار کر دیا گیا مریم نواز

پاکستان مسلم لیگ (ن) کی نائب صدر مریم نوازنے کہا ہے کہ نواز شریف کی طبیعت پوچھنے کیلئے اجازت مانگی تھی لیکن انکار کر دیا گیا۔


اپنی ٹوئٹ میں مریم نواز نے کہا کہ 'کہنا صرف یہ تھا کہ یہ جو ہم پہ آج بیت رہی ہے کل آپ پر بھی بیتے گی، یاد دہانی ضروری ہے کیونکہ مکافات عمل اٹل ہے'۔ پاکستان مسلم لیگ (ن) کے کارکنوں نے پارٹی قائد محمد نواز شریف سے اظہار یکجہتی کیلئے اپنے گھروں کے بجائے کوٹ لکھپت جیل کے باہر عید منانے کا اعلان کردیا ہے۔

مسلم لیگ (ن) لورز اور سوشل میڈیا کے کارکنوں کا کہنا ہے کہ نوازشریف سے اظہار یکجہتی کیلئے کارکنان کوٹ لکھپت جیل کے باہر پہنچیں گے اور سڑک پر ہی عید کی نماز ادا کریں گے۔ مسلم لیگ (ن) کے تاحیات قائد محمد نواز شریف پہلی بار جیل میں عید منائیں گے جبکہ مرکزی صدر شہباز شریف ملک سے باہر برطانیہ میں عید منائیں گے۔