300 نشستوں کا سینما بنانے کا منصوبہ ہے مسرت اختر

میٹروپول سینما کی آنر بیگم مسرت اختر نے کہا ہے کہ سینما کو ٹھیکے پر دینے کی خبر میں کوئی صداقت نہیں، یہ محض پروپیگنڈہ ہے ۔

وہ گذشتہ روزمیڈیا سے گفتگو کر رہی تھیں ۔ انھوں نے کہا کہ ایک اور سینما ٹھیکے پر لے کر چلانے کا ارادہ ہے جس کے لیے مختلف پارٹیوں سے بات چیت چل رہی ہے۔ مسرت شیخ نے کہا کہ دراصل چند مخالفین کو سینما اور فلم انڈسٹری کے برے حالات کے باوجود سینما کو کامیابی کے ساتھ چلنے پر خوش نہیں ہیں ۔




آج جب سنی پلیکس سینما تیزی کے ساتھ مقبول ہورہاہے اس کو سامنے رکھتے ہوئے میٹروپول کی تزئین وآرائش کی گئی ہے ۔ انھوں نے کہا کہ دوسرے کی طرح میدان سے بھاگنے والے نہیں ہیں بلکہ 300سیٹوں پر مشتمل ایک نیا سینما بنانے کی بھی پلاننگ کی ہے۔