وزیراعظم کا بابراعوان کو دوبارہ کابینہ میں شامل کرنے کا فیصلہ

وزیراعظم عمران خان نے بابر اعوان کو دوبارہ کابینہ میں شامل کرنے کا فیصلہ کیا ہے۔

ایکسپریس نیوز کے مطابق وزیراعظم عمران خان نے بابر اعوان کو دوبارہ کابینہ میں شامل کرنے کا فیصلہ کیا ہے۔ بابر اعوان کو مشیر پارلیمانی امور بنایا جائے گا اور وفاقی وزیر پارلیمانی امور اعظم سواتی کا قلمدان تبدیل کردیا جائے گا۔


آئین کے تحت کابینہ میں پانچ مشیروں کو رکھنے کی گنجائش ہے اور اس وقت حفیظ شیخ،ڈاکٹر عشرت حسین ، ملک امین اسلم، عبدالرزاق داود اور ارباب شہزاد مشیر کے عہدے پر کام کررہے ہیں، بابراعوان کو مشیر کا عہدہ دینے کے لیے ایک مشیر کو مستعفی ہونا پڑے گا۔

واضح رہے کہ بابر اعوان اس سے پہلے بھی مشیر برائے پارلیمانی امور کے عہدے پر فائز تھے تاہم وہ نندی پور کرپشن کیس میں نیب ریفرنس میں نام آنے پر اپنے عہدے سے مستعفی ہوگئے تھے۔