قلات نیٹو آئل کنٹینرز پر راکٹ حملہ 9 کنٹینرز تباہ ایک ڈرائیور جاں بحق

نامعلوم افراد نے نیٹو آئل کنٹینرز پر راکٹوں سے حملہ کردیا جس کے نتیجے میں ایک ڈرائیور جاں بحق جبکہ 2 افراد جھلس کر زخمی ہوگئے، حملے میں 9 تباہ ہوگئے۔


قلات کی تحصیل سوراب کے علاقے حاجیکہ کے مقام پر کراچی سے کوئٹہ جانے کے لئے ہوٹل میں کھڑے نیٹو کے 14 آئل کنٹینرز پر مشتمل قافلے پر نامعلوم سمت سے 4 راکٹ فائر کیے گئے، حملے کے نتیجے میں 9 آئل ٹینکرز میں آگ بھڑک اٹھی اور وہ جل کر تباہ ہوگئے جبکہ 5 ٹینکرز محفوظ رہے۔

حملے میں ایک کنٹینر کا ڈرائیور جاں بحق اور 2 افراد جھلس کر زخمی ہوگئے، جاں بحق ہونے والے ڈرائیور کا نام سمیع اللہ بتایا گیا ہے جبکہ زخمیوں کو مقامی اسپتال منتقل کردیا گیا۔