پی آئی اے کا اے ٹی آر طیارہ حادثے سے بال بال بچ گیا

پاکستان انٹرنیشنل ایئرلائن کا اے ٹی آر طیارہ حادثے سے بال بال بچ گیا۔


ترجمان پی آئی اے کے مطابق اسلام آباد سے گلگت آنے والا طیارہ پی کے 605 دوران لینڈنگ رن وے سے اتر گیا اور ایک طرف جھک گیا ہے، حادثے کا شکار طیارے میں 48 مسافر سوار تھے جنہیں بحفاظت باہر نکال لیا گیا اور حادثے میں تمام مسافر محفوظ ہیں۔

ترجمان پی آئی اے کا کہنا ہے کہ پائلٹ نے کمال مہارت سے طیارے پر قابو پالیا، الحمداللہ تمام مسافر خیریت سے ہیں اور محفوظ ہیں، سی ای او پی آئی اے ائیر مارشل ارشد ملک نے ملک نے واقعے کی تحقیقات کا حکم دے دیا ہے۔