مرید عباس قتل کیس سرمایہ کاری کرنے والوں کی تفصیلات سامنے آگئیں

ایکسپریس کے مطابق ڈیفنس میں نجی ٹی وی کے اینکر پرسن مرید عباس اور ساتھی خضر حیات کے قتل کے ملزم عاطف زمان کے پاس سرمایہ کاری کرنے والے افراد کی تفصیلات منظر عام پر آگئیں، یہ مجموعی طور پر 26 افراد ہیں جن میں دو خواتین بھی شامل ہیں۔

ذرائع کا کہنا ہے کہ مرید عباس سمیت ان تمام افراد نے مجموعی طور پر ایک ارب 25 کروڑ روپے کی سرمایہ کاری کی ہوئی تھی جبکہ کاروبار میں 30 کروڑ روپے سے زائد کا منافع دکھایا گیا تھا۔

یہ پڑھیں: مرید عباس قتل کیس؛ عینی شاہد گواہ کی خودکشی کی کوشش

ذرائع کا کہنا ہے کہ ملزم عاطف زمان کو سرمایہ کاروں کو ڈیڑھ ارب روپے سے زائد کی رقم ادا کرنی تھی، مرید عباس کی جانب سے رقم کے تقاضے پر ملزم نے انہیں قتل کیا۔